Përshkrimi

Alkos Group, shpall të lirë pozicionin e punes: MENAXHER LOGJISTIKE (IMPORTET)

Organizimi me përpikmëri dhe korrektësi i transportit ndërkombëtar të mallrave nga vendi i origjinës deri në destinacionin e kërkuar (magazinim pranë shoqërivë të grupit) ose sipas kerkesave specifike të klientëve për eksportet e mallrave në përputhje me proçedurat operacionale të Alkos Group

Menaxheri Logjistikës (Importet), ka si funksion drejtimin, bashkërendimin dhe mbikëqyrjen e transporteve të grupit, duke kryer detyra të ndryshme në lidhje me proçedurat e import/eksportit. Ai siguron dhe zbaton praktikat më të mira për menaxhimin e logjistikës dhe zinxhirit të furnizimi në pajtueshmëri me rregulloret e tregtisë ndërkombëtare.

Detyrat

• Përgjegjës për mbikëqyrjen e operacioneve të importit dhe eksportit për shoqëritë e Grupit Alkos.
• Përgjegjës për përgatitjen në kohë të dokumentacioneve doganore për importe dhe eksporte.
• Përgjegjës/e për informacionet doganore dhe ndryshimet e mundshme në legjislacionin shqiptar dhe të shteteve ku importohet apo exportohen mallrat.
• Siguron që të gjitha aktivitetet e importit dhe eksportit të jenë në përputhje me ligjet dhe rregulloret e tregtisë kombëtare dhe ndërkombëtare.
• Analizon, mbikqyr dhe mban përgjegjësi për importet dhe exportet e shoqërive të Grupit Alkos, në mënyrë që të bëhen në kohë dhe me kosto të ulët.
• Analizon stokun në bashkëpunim me magazinierin duke hartuar plane të sakta për administratorin për importet e radhës.
• Analizon tregun dhe paraqet para bordit ofertat më të mira për transporte të ndryshme.
• Koordinon me agjensitë doganore në import dhe eksport për përgatitjen në kohë të procedurave doganore, siguron dokumentacionin përkatës dhe asiston në zgjidhjen e problemeve doganore.
• Koordinon dhe menaxhon logjistikën e transportit të mallrave ndërkombëtarisht, në organizimin efiçient të transportit grupazh në import dhe eksport.
• Identifikon kompanitë e transportit me të cilët do të organizojë transportet përkatëse dhe koordinohet me ta për rezervimin e mjeteve (transportin me det/tokë/ajër).
• Zhvillon dhe ruan marrëdhëniet me transportuesit e mallrave, kompanitë e transportit dhe agjentët doganorë.
• Negocion tarifat dhe kushtet me furnitorët, transportuesit dhe ofruesit e shërbimeve për të arritur operacione me kosto efektive.
• Analizon kostot e transportit dhe rekomandon strategji për përmirësimin e efikasitetit të kostos.
• Monitoron dërgesat dhe adreson e zgjidh çdo çështje ose mospërputhje në lidhje me transportin, zhdoganimin ose cilësinë e produktit, apo çdo problem që lind gjatë transportit.
• Përgatit dhe rishikon të gjithë dokumentacionin e nevojshëm të import/eksportit, duke përfshirë faturat, listat e paketimit dhe deklaratat doganore.
• Përpilon raporte javore dhe mujore mbi aktivitetet dhe proceset e importit dhe eksportit dhe ia dërgon/raporton menaxhmentit.
• Trajnon dhe mbikëqyr stafin e përfshirë në operacionet e import/eksportit.
• Përfaqëson kompaninë në aktivitete tregtare, panaire dhe takime biznesi për të promovuar përpjekjet e tregtisë ndërkombëtare.
• Njeh shumë mirë Ligjin e Kodit Doganor, mbi rregullat dhe proçedurat e përgjithshme të zbatueshme për mallrat që hyjnë në/ose që dalin nga territori doganor i Republikës së Shqipërisë
• Qëndron i përditësuar për ndryshimet në rregulloret doganore dhe kufizimet tregtare.

Kualifikimet

KUALIFIKIMET E PËRGJITHSHME

• Diplomë Bachelor në Fushat e Ekonomisë/ Biznes Ndërkombëtar, Logjistikë, Menaxhim të Zinxhirit të Furnizimit, Tregëti të jashtme ose fusha të ngjashme.
• Preferohet eksperiencë 5 vite në operacionet e import/eksportit.
• Njohuri të mira të rregulloreve doganore dhe pajtueshmërisë së tregtisë ndërkombëtare.
• Aftësi të shkëlqyera negociuese, analitike dhe të zgjidhjes së problemeve.
• Aftësi të forta komunikimi dhe ndërpersonale.
• Zotërimi gjuhës angleze e detyrueshme (komunikim verbal dhe i shkruar).
• Përdorues shumë i mirë i paketës Office, Programi i Excel i detyrueshëm.
• Menaxhon kohën dhe detyrat në mënyrë efektive.
• Fleksibilitet dhe i disponueshëm për udhëtime të ndryshme (të brendshme dhe ndërkombëtare).
• Të jetë i adaptueshëm ndaj orarit fleksibël të punës.
• Trajnime ne fushën e import – eksport.

Shënime

Mirëpresim të gjithë kandidatët e interesuar të dërgojnë aplikimin e tyre në adresën: [email protected]   

*Të gjithë aplikimet do të trajtohen me konfidencialitet të lartë sipas Ligjit Nr. 9887 vendosur nga Kuvendi i Shqipërisë për "Mbrojtjen e të Dhënave Personale"