Përshkrimi

"ITE Group" paraqitet në tregun shqiptar si një nga firmat kryesore për materiale elektrike, pajisje elektronike dhe impiante fotovoltaike. "ITE Group" në rolin e shitjes me pakicë dhe distributorit në Shqipëri, është përfaqësuese e firmave nga më prestigjiozet në botë. Partnerët tanë të rëndësishëm janë: Schneider Electric, Philips, Bosch, Huawei, Vimar, Vortice, 3M, Pramac, Arnocanali, Prysmian Group, Femi CZ, Electrocanali, etj. Pjesë e rëndësishme e Shoqërisë "ITE Group" është reparti i Asamblimit të Paneleve Elektrike, i ngritur në vitin 2006. Në këtë repart realizohen panelet elektrik të shpërndarjes, të kondicionimit si dhe të automatizimit industrial. Kompania ka të drejtën e përfaqësimit si Panel Builder nga "Schneider Electric" deri në 4000 A.

Në kuadër të plotësimit të personelit "ITE Grup" është duke kërkuar të punësojë Asistent në shitje pranë dyqanit tonë që ndodhet në qytetin e Tiranës.

Detyrat

• Bën hapjen dhe mbylljen e dyqanit sipas orarit zyrtar të kompanisë.
• Të evidentojë dhe informojë lidhur me mungesat e stokut që vë re në dyqan.
• Të ndjekë furnizimin e dyqanit nga magazina qëndrore duke hartuar kërkesën për plotësimin e treguesve të stokut , sipas procedurës dhe jo më vonë se ora 14:00, duke përjashtuar raste të veçanta.
• Siguron që të ketë gjithmonë stokun e nevojshëm në raftet përkatëse me qëllim shitjen te klienti fundor
• Asiston klientët në përzgjedhjen e produkteve, duke i shpjeguar specifikat dhe benefitet përkatëse.
• Ofron shërbim cilësor ndaj cdo personi që paraqitet pranë banakut duke i shërbyer atij me informacion, ofertim dhe plotësim kërkesash në përputhje me procedurat e kompanisë
• Identifikon nevojat e klientit dhe propozon zgjidhjen e përshatshme teknike dhe ekonomike sipas kërkesës. Mundohet gjithmonë të bëjë UPSELL në mënyrë që të rrisë xhiron e dyanit.
• Reklamon produktet me anë të ekspozitorëve dhe posterave që i vihen në dispozion nga Sektori Marketing-ut. Kujdeset për paraqitjen (merxhandising) dhe prezantimin e artikujve që tregton në pikën e shitjes.
• Të realizojë procesin e shitjes, dorëzimin e mallit sipas kërkesës së klientit, faturimin dhe arkëtimin e saj.
• Kujdeset që dyqani të jetë gjithmonë i pastër dhe i rregullt, sipas direktivave të percaktuara saktë nga Kompania.
• Organizon inventare javore/ mujore/ vjetore me qëllim mbarëvajtjen e gjendjes fizike me atë të sistemit në të njëjtat nivele. Është përgjegjës për inventarin që ka në dyqan.
• Të respektojë parimin e konfidencialitetit.

Kualifikimet

• Të ketë njohuri të mira mbi materialet elektrike (njohuritë teknike përbëjnë avantazh).
• Të ketë njohuri bazë të Paketës Microsoft Office.
• Duhet të ketë aftësi shumë të mira komunikuese me klientët.
• Të ketë përkushtim maksimal gjatë orarit të punës.
• Aftësi për të punuar në grup.
• Përvojë 2-vjecare pune në pozicione të ngjashme.

Shënime

Për të aplikuar për këtë pozicion, ju lutem dërgoni CV të detajuar deri në dt.15/03/2025 pranë Departamentit të Burimeve Njerëzore me email: [email protected] 

Vetëm personat që plotësojnë kriteret e vendosura më sipër do të kontaktohen.
Të dhënat e aplikantëve mblidhen, përpunohen dhe trajtohen në mënyrë konfidenciale në përputhje me Ligjin nr. 9887, datë 10.03.2008 “Për Mbrojtjen e të Dhënave Personale” i ndryshuar.