Përshkrimi

ECFA Sh.a. po zgjeron ekipin dhe kërkon një profesionist me eksperiencë, integritet dhe vizion për të marrë një rol kyç në menaxhimin e riskut operacional, përputhshmërisë dhe kontrollit të brendshëm.

Nëse ke eksperiencë në sektorin bankar ose mikrofinanciar, mendësi analitike dhe dëshirë për të ndërtuar procese më të sigurta, më efikase dhe më të orientuara drejt klientit, kjo mund të jetë mundësia jote.

Rreth nesh

ECFASh.a një Institucion Financiar Mikrokredie, i cili ka filluar operimin në treg, për të ofruar tek individët, kredi konsumatore pa kolateral me shërbim të shpejtë dhe proces të përshtatshëm të huamarrjes, pa anashkaluar sigurinë dhe komoditetin e konsumatorëve.

Ekipi ynë përbëhet nga profesionistë financiarë, IT dhe shërbim klienti, të cilët janë ekspertë në fushën e tyre. Ne jemi duke ftuar profesionistë për të aplikuar për pozicionin Specialist i Lartë për Përmirësimin dhe Zhvillimin e Proceseve.

Detyrat

Qëllimi i Pozicionit

Specialisti i Lartë për Përmirësimin dhe Zhvillimin e Proceseve është përgjegjës për analizimin, projektimin, optimizimin dhe standardizimin e proceseve të biznesit, me qëllim rritjen e efikasitetit operacional, përmirësimin e përvojës së klientit, reduktimin e kostove dhe mbështetjen e objektivave strategjikë të kompanisë. Pozicioni bashkëpunon ngushtë me të gjitha departamentet për të identifikuar mundësi për përmirësim dhe për të siguruar implementimin e ndryshimeve në mënyrë efektive.

Detyrat dhe Përgjegjësitë Kryesore

• Analizon proceset ekzistuese të biznesit dhe identifikon mundësi për optimizim, automatizim dhe standardizim.
• Dokumenton dhe përditëson proceset, procedurat dhe udhëzimet operative të kompanisë.
• Mbledh dhe analizon kërkesat e departamenteve të biznesit për ndryshime ose zhvillime të reja.
• Përgatit specifikimet funksionale për zhvillimet që do të implementohen nga departamenti i Teknologjisë së Informacionit.
• Bashkëpunon me ekipin e IT gjatë analizës, zhvillimit, testimit dhe implementimit të funksionaliteteve ose sistemeve të reja.
• Koordinon dhe realizon testimet funksionale (User Acceptance Testing – UAT) për zhvillimet e reja.
• Monitoron rezultatet pas implementimit dhe propozon masa korrigjuese ose përmirësime të mëtejshme.
• Mbështet zhvillimin dhe implementimin e produkteve, shërbimeve dhe proceseve të reja.
• Përgatit analiza, raporte dhe prezantime për menaxhimin mbi ecurinë e projekteve dhe iniciativave të përmirësimit.
• Merr pjesë në projektet strategjike të kompanisë dhe koordinon iniciativat ndërdepartamentale.
• Ofron mbështetje dhe udhëzime për departamentet gjatë implementimit të proceseve të reja.
• Monitoron treguesit e performancës së proceseve dhe propozon iniciativa për përmirësim të vazhdueshëm.

Kualifikimet

Kërkesat kryesore

Arsimi

• Diplomë universitare në Administrim Biznesi, Ekonomi, Inxhinieri Industriale, Teknologji Informacioni ose fusha të ngjashme.
• Studimet pasuniversitare ose certifikimet profesionale përbëjnë avantazh.

Eksperienca

• Minimumi 5 vite eksperiencë në analizën, zhvillimin ose përmirësimin e proceseve të biznesit.
• Eksperiencë në sektorin bankar, financiar ose mikrofinanciar përbën avantazh.
• Eksperiencë në menaxhimin ose koordinimin e projekteve ndërmjet departamenteve.

Njohuritë dhe Aftësitë

• Njohuri të metodologjive të analizës dhe optimizimit të proceseve.
• Aftësi për hartimin dhe dokumentimin e proceseve të biznesit.
• Njohuri mbi analizën e kërkesave funksionale dhe ciklin e zhvillimit të sistemeve.
• Eksperiencë në testimin funksional (UAT).
• Njohuri shumë të mira të Microsoft Office, veçanërisht Excel dhe PowerPoint.
• Njohuri të mjeteve si Jira, Confluence ose platforma të ngjashme përbëjnë avantazh.
• Njohuri të mira të gjuhës angleze, me aftësi për të hartuar dokumentacion dhe për të komunikuar në mjedis profesional.

Kompetencat

• Mendim analitik dhe aftësi për zgjidhjen e problemeve.
• Orientim drejt përmirësimit të vazhdueshëm.
• Aftësi shumë të mira organizative dhe planifikuese.
• Komunikim dhe bashkëpunim ndërdepartamental.
• Menaxhim efektiv i prioriteteve dhe afateve.
• Vëmendje e lartë ndaj detajeve.
• Orientim drejt rezultateve dhe cilësisë.
• Aftësi për të menaxhuar ndryshimet organizative.
• Integritet dhe profesionalizëm.

Shënime

Instruksione mbi aplikimin

Nese ju e vleresoni veten si kandidatin e duhur qe mund te ndihmoje ne rritjen e kultures se kompanise, ju lutem dergoni CV tuaj ne linkun:

https://talent.sage.hr/jobs/8b88d8cf-24f3-4d4b-bba3-0d55a538f094

ose nepermjet adreses se e-mail : [email protected]