Përshkrimi

Pozicionet BOH, MOH dhe FOH janë pjesë e rëndësishme e operacioneve të restorantit dhe bashkëpunojnë ngushtë me njëri-tjetrin për të garantuar një proces pune të organizuar dhe efikas.
Punonjësit janë përgjegjës për zbatimin e procedurave operative, standardeve të cilësisë dhe kërkesave higjieno-sanitare, duke kontribuar në ofrimin e një shërbimi të shpejtë, të saktë dhe cilësor.

Detyrat

FOH (Front of the House):

• Merr dhe përpunon porositë e klientëve në mënyrë korrekte dhe profesionale;
• Operon me sistemin e arkës (POS) në përputhje me procedurat e brendshme të kompanisë;
• Kryen paketimin e porosive sipas standardeve të përcaktuara;
• Koordinon në mënyrë të vazhdueshme me sektorin e kuzhinës për përgatitjen dhe dorëzimin në kohë të produkteve;
• Siguron përmbushjen e pritshmërive të klientëve përmes një shërbimi të shpejtë, të saktë dhe cilësor;
• Zbaton me përpikmëri procedurat operacionale dhe standardet e kompanisë;
• Mban ambientin e punës të pastër, të rregullt dhe në përputhje me kërkesat higjieno-sanitare;

MOH (Middle of the House):

• Përgatit burgera dhe produkte të ndryshme ushqimore sipas standardeve të përcaktuara nga kompania;
• Zbaton me përpikmëri procedurat operacionale dhe siguron mirëmbajtjen e ambientit të punës të pastër dhe të rregullt;
• Respekton standardet për ruajtjen, magazinimin dhe trajtimin e produkteve ushqimore, në përputhje me kërkesat higjieno-sanitare;
• Planifikon dhe përgatit sasinë e nevojshme të ushqimit në bazë të kërkesës dhe fluksit të punës;
• Zbaton standardet e gatimit dhe të paketimit/mbështjelljes së produkteve, duke garantuar cilësi dhe uniformitet në shërbim;

BOH (Back of the House):

• Përgatit produktet e pulës (pule e plotë, strips, wings, fileto) në përputhje me standardet e përcaktuara nga kompania;
• Zbaton me përpikmëri procedurat operacionale dhe siguron mirëmbajtjen e ambientit të punës të pastër dhe të rregullt;
• Gatuan sasinë e duhur të produkteve në përputhje me kërkesën dhe fluksin e punës;
• Respekton standardet për ruajtjen dhe magazinimin e produkteve ushqimore, si dhe garanton kontrollin e afateve të skadencës sipas rregullave në fuqi;
• Monitoron me rigorozitet cilësinë e produkteve gjatë gjithë procesit të përgatitjes dhe shërbimit;

Kualifikimet

• Përvojë e mëparshme sektorin e ushqimit përbën avantazh;
• Përgjegjshmëri, korrektësi dhe respektim i standardeve të higjienës dhe sigurisë ushqimore.
• Aftësi për të punuar në ekip dhe në një ambient me ritëm të lartë pune.

Shënime

Të gjithë të interesuarit mund të dërgojnë CV-të e tyre në adresën [email protected] ose numrin +355 69 702 1304

Vetëm kandidatët e përzgjedhur do të kontaktohen për intervistë pune.

Çdo informacion që do të paraqesin kandidatët lidhur me shprehjen e interesit të tyre për sa më sipër, do të trajtohet me një nivel sigurie të standardeve më të larta për ruajtjen dhe përpunimin e këtyre të dhënave, në përputhje të plotë me parashikimet e ligjit nr. 9887, datë 10.03.2008.