Përshkrimi i kompanisë

Servis Ylli Zelo është një aktivitet i specializuar në servisin, mirëmbajtjen dhe riparimin e mjeteve të tonazhit të rëndë, me fokus të veçantë te automjetet Scania, si kamionë dhe autobusë.

I themeluar dhe drejtuar nga Ylli Zelo, i cili ka mbi 30 vite eksperiencë profesionale në fushën e mjeteve të rënda, servisi është ndërtuar mbi njohuri të thelluara teknike, përkushtim ndaj punës dhe një eksperiencë të gjatë të krijuar ndër vite.

Aktiviteti nisi në Berat në vitin 2011 dhe më pas u zhvendos në Durrës, duke u konsoliduar në Shkozet, ku vazhdon aktivitetin edhe sot. Gjatë viteve, eksperienca dhe puna e vazhdueshme kanë mundësuar ndërtimin e një shërbimi të qëndrueshëm për klientë të ndryshëm në sektorin e transportit dhe mjeteve të rënda.

Përveç shërbimeve të servisit dhe mirëmbajtjes, ofrohen edhe pjesë këmbimi për automjete Scania, duke krijuar një zgjidhje të plotë për nevojat teknike të klientëve.

Ne besojmë se eksperienca, korrektësia, përgjegjësia dhe puna në ekip janë baza e një shërbimi të mirë. Për këtë arsye, synojmë të ndërtojmë një ambient pune profesional, ku vlerësohen aftësitë teknike, dëshira për të mësuar dhe përkushtimi ndaj punës.