Përshkrimi i kompanisë

Recruit Albania Group është një kompani lider në Shqipëri, e specializuar në ndërmjetësimin e burimeve njerëzore nga jashtë vendit për tregun vendas. Ne ofrojmë shërbime të avancuara të rekrutimit, duke siguruar punonjës të kualifikuar dhe të specializuar për sektorë të ndryshëm, përfshirë hoteleri, ndërtim, industri të rënda dhe të lehta, prodhim, fasoneri, përkujdesje dhe shërbime, si dhe telekomunikim.

Angazhimi ynë është të ndihmojmë bizneset shqiptare të aksesojnë burime njerëzore të kualifikuara nga jashtë vendit, për të përmbushur kërkesat e tregut vendas. Përveç ofrimit të stafit të duhur, Recruit Albania Group merr përsipër gjithashtu realizimin e procedurave ligjore dhe administrative, duke siguruar që çdo hap të jetë në përputhje me legjislacionin shqiptar. Këto shërbime përfshijnë:

• Përgatitjen dhe menaxhimin e dokumentacionit të biznesit dhe punonjësve
• Aplikimin për leje unike dhe viza
• Nxjerrjen e lejes provizore pas mbërritjes së punonjësve në Shqipëri
• Pagesën e tarifave shtetërore në emër të biznesit
• Noterizimin dhe legalizimin e dokumenteve të nevojshme

Ne e bëjmë procesin e rekrutimit dhe integrimit të punonjësve të huaj sa më të thjeshtë dhe të sigurt për biznesin tuaj. Recruit Albania Group është partneri juaj i besueshëm për ndihmën në plotësimin e nevojave të burimeve njerëzore.