Ka ardhur Pranvera.  Është ajo pjesë e vitit kur largojmë pluhurin e dimrit dhe lejojmë diellin të hyjë brenda. Përpara se t’ju rrëmbejë koha e bukur dhe vrulli i pranverës, i pari projekt me të cilin ju duhet të merreni është rimodelimi i resymes suaj.

Pamja

Cilido që  thotë se pamja nuk ka rëndësi nuk ka qënë në fushë betejën e punëkërkuesve kohët e fundit.  Ju duhet të përdorni  çdo avantazh të mundshëm për të konkurruar në tregun e punës. Sigurohuni që CV juaj të duket e pastër dhe e rregullt. Tregohuni i guximshëm.  Sigurohuni ti nxirrni në dukje me guxim arritjet tuaja.  Pamja ka rëndësi nëse ju doni që të zgjidheni për intervistë.

Reduktoni

A duket CV juaj e vjetëruar dhe thatë? A është zgjatur në 3 apo 4 faqe? A e listoni ende punën tuaj të parë mbas universitetit? Bëjini CV-së tuaj një reduktim  duke e bërë CV-në tuaj më konçize.  Fshijini disa vite nga CV juaj duke e limituar historikun e eksperiencës tuaj në 10 vitet e fundit.  Pjesën e mbetur të eksperiencës tuaj mund ta përmblidhni në një paragraf.

Terminologjia e ditëve të sotme

CV juaj ende i referohet një plani të punuar në 1980? A shfaqen në CV tuaj terma të cilat janë të dalë kohe.  Terminologjia ndryshon nga viti në vit kështu që sigurohuni që CV juaj të reflektojë trendet e fundit. Për shembull punëdhënësit e sotëm janë duke kërkuar  për  specialistë të burimeve njerëzore me eksperienca të  ndryshme. Përditsoni terminologjinë e CV tuaj për  të mos humbur mundësi.

Skanimi

Në të shkuarën kur CV dërgoheshin në letër dhe kërkimi bëhej në mënyrë manuale ishte shumë e rëndësishme që të plotësonit CV tuaj me fjalë aksioni  si “menaxhoi” ose “krijoi”.  Në ditët e sotme kur CV skanohen dhe kërkimi i të dhënave bëhet me fjalë kyçe, këto të fundit janë më të rëndësishme se më parë.  Kthejini foljet në emra.

Nëse e rimodeloni CV tuaj çdo vit i shtoni vetes tuaj mundësi dhe kurseni kohë.  CV-ja është një instrument i rëndësishëm i cili ju siguron ju një intervistë pune prandaj investoni në të, kushtojini rëndësi.