Intervistat në telefon janë një mjet i rëndësishëm për kandidatët potencial.  Bisedat telefonike ndihmojnë intervistuesit të kuptojnë se cili nga kandidatët ia vlen të intervistohet drejt për së drejti. Nëse keni dërguar një CV është e rëndësishmëe që të jeni të përgatitur për t’u përgjigjur si duhet në momentin që një telefonatë e tillë do t’ju vijë.

Dini se cfarë të thoni. Sigurouni që të keni një kopje të CV tuaj, të letres se motivimit dhe të përshkrimit të punës pranë jush.  Me rëndësi është që të shtoni dicka për kompaninë apo për personin i cili po ju interviston, të adresoni pyetje dhe mos harroni të mbani shënime gjatë intervistës.

Përsërisni përgjigjet tuaja.  Përgatituni për bisedën duke u menduar për  punën dhe cilësitë që një kandidat duhet ti ketë.  Si përputhen pikat tuaja të forta? Cilat janë dobësitë tuaja? Pregatituni për pyetje të cilat mund t’ju bëhen? Interesohuni  nëpërmjet miqve apo  DM Consulting Services për të marrë më tepër informacion lidhur me industrinë ku ju keni aplikuar.

Kini kujdes gjuhën. Në një intervistë telefonike është e rëndësishme që të flisni ngadalë dhe qartë.  Mbani mend që biseda duhet të jetë e një niveli profesional dhe ju duhe të tregoni që jeni të aftë ti përgjigjeni pyetjeve të intervistuesit në mënyrën më të mirë të mundshme.  Mundohuni ti shmangni ë-të  e zgjatura apo pauzat e gjata dhe mos harroni gjuha juaj duhet të jetë formale.

Mendoni përpara se të flisni. Merrni kohën që ju nevojitet për t’iu përgjgjur pyetjeve në mënyrën e duhur.  Sigurouni që të mos e ndërprisni intervistuesin apo ta pyesni pa mbaruar ai së foluri. Nëse një telefonatë e tillë ju ndodh në një moment të papërshtatshëm ,mundohuni të lini një orar tjetër më të përshtatshëm për ti bërë gjërat si duhet.

Kërkoni për një takim.  Nëse ju e ndjeni se intervista juaj ka shkuar mirë kini besim dhe siguri për ti kërkuar intervistuesit që ta vazhdoni bisedën tuaj drejtpersëdrejti nëse është e mundur.  Nëse intervistuesi thotë “Jo” apo i shmanget pyetjes tuaj atëhere ju duhet të kuptoni se cili është hapi juaj i radhës.  Merrni kohën tuaj për të mbyllur me politesë intervistën telefonike sido që të ketë shkuar.