Sa herë ju është dashur të trokisni për të filluar punë për herë të parë …për të ndryshuar punën ku jeni…apo karrierën tuaj, keni qenë të detyruar të kërkoni me këmbëngulje dhe me efikasitet. Mos u zhgënjeni nëse nuk ju hapen menjëherë dyert e punës, por dhe mos kaloni sa nga një punë në tjetrën... Përdorni këtë udhëzues për t’u siguruar që lëvizja juaj është e kujdesshme. Mësoni më tepër për veten tuaj, krijoni rrjetin tuaj të kontakteve dhe identifikoni mundësitë tuaja për karrierë... “Udhëzuesi i karrierës suaj” lindi si nevojë e kërkuar në tregun tonë të dijes dhe punës. Shumë njerëz me status të ndryshëm si studentë apo punonjës në sektorë dhe fusha të ndryshme të tregut të punës dhe dijes kanë nevojë për informacione të shpejta dhe efikase. Duapune.com ka përgatitur këtë libër si një burim informacioni për ecjen përpara në tregun e punës në Shqipëri. Ai është burimi i parë drejt kërkimit të punës dhe karrierës së vërtetë, duke i shërbyer tregut profesional, tregut të punës së kualifikuar, si dhe zhvillimit të karrierës. Ndodh që shumë prej nesh janë konfuzë dhe të paqartë për drejtimin që duhet të marrin në jetë, sepse nuk njohin ende plotësisht aftësitë dhe nivelin e tyre të dijes. Udhëzuesi është në këtë rast drejtuesi juaj më i mirë duke ju ndihmuar të njihni vetveten, të gjeni dhe të shqyrtoni mundësitë aktuale që keni, të vendosni për mundësitë që ju paraqiten duke krijuar plane veprimi, t’i planifikoni më së miri ato si dhe të arrini deri në menaxhimin e suksesit në fillimin e karrierës tuaj. Çdo hap dhe pikë e këtij udhëzuesi do të jetë e ilustruar me ushtrimin përkatës apo me informacionin e duhur për të qenë pranë jush sa më i thjeshtë, efikas dhe mbi të gjitha i vlefshëm.