Bota e zhvillimit të software-ve është shumë e shpejtë. Me një shumëllojshmëri gjuhësh programimi për tu mësuar dhe shpikje që bëhen kohë pas kohe, puna në këtë industri është shumë sfiduese. Në qoftë se po aplikoni për një pozicion pune si specialist zhvillimi software-sh është shumë e rëndësishme të jeni të përgatitur për pyetjet që do ju bëjnë. Ja cilat janë këto pyetje si edhe disa këshilla se si duhet të përgjigjeni:

1. Cili është pozicioni juaj aktual? Na tregoni më tepër lidhur me të…

Kjo pyetje bëhet për të përcaktuar, cilat janë aftësitë tuaja aktuale. Duke pasur parasysh sa shpejt ndryshon fusha e programimit të software-ve, aftësitë e disa viteve më parë mund të mos jenë të rëndësishme tanimë.

2. Cili është projekti juaj që ju bën të ndiheni më krenar?

Intervistuesi do të dijë çfarë keni arritur si edhe projektet për të cilët ju ndiheni më mirë dhe e konsideroni si punën tuaj më të mirë.

3. Cili është projekti për të cilin jeni më pak krenar?

Kjo pyetje do të tregojë si arrini të përballoni dështimet tuaja. Ktheni përgjigje në mënyrë të tillë që të tregoni se jeni koshient për gabimet tuaja, keni kuptuar ato çfarë duhet të ndryshoni si edhe keni parashikuar hapat e nevojshëm për ta parandaluar një situatë të njëjtë në të ardhmen.

4. Cilat janë sfidat programuese më të mëdha tuajat?

Kjo pyetje bëhet për të kuptuar cilat janë dobësitë tuaja si programues. Mos u shqetësoni – çdokush ka dobësi. Por, sigurohuni që t’i shprehni punëdhënësit tuaj se jeni duke marrë masa për të parandaluar gabime të mëvonshme.

5. Më tregoni për mënyrën tuaj të zgjidhjes së problemeve…

Gjatë intervistës do ju jepet zakonisht një problem të cilit do ju duhet t’i gjeni një zgjidhje. Ata duan të shohin si arrini të zgjidhni probleme të mundshme, kështu që sigurohuni që t’i tregoni punëdhënësit tuaj çfarë do të bëni ju për ta zgjidhur atë problem. Jini të kujdesshëm në përgjigjen tuaj.

6. Mund të jepni shembuj nga punët tuaja të mëparshme?

Konsiderojeni këtë si një mundësi shtesë për të treguar atë çfarë ju mund të bëni më së miri.

7. Sa eksperiencë keni në përdorimin e një gjuhe programimi X?

Janë një sërë gjuhësh programimi që duhet të njihni që të jeni një programues software-sh i mirë, megjithatë ka gjithmonë diçka për të mësuar.

8. Më tregoni më tepër për zakonet tuaja në programim…

Punëdhënësi juaj do të dojë të dijë për metodat tuaja të testimit, si i merrni vendimet për arkitekturën e aplikacionit etj. Mendoni për zakonet tuaja në programim dhe kuptoni nëse ndonjë prej tyre do t’iu bëjë të ngjani keq. Nëse po, merrni masa për t’i ndryshuar ato.

9. Më trego më tepër për veten…

Në fakt, kjo nuk është vërtetë për JU, por është për ju si programues. Flisni për hobi dhe interesa tuaja që ju bëjnë të jeni një programues ose zhvillues më i mirë, si edhe theksoni karakteristika tuajat që ju ndhmojnë të jeni ekselent në atë që bëni.