Jeni ju dhe kontributet tuaja të dukshme në punë? Apo, jeni mësuar të kaloni pa “lënë gjurmë në radar” duke u munduar të mos bini shumë në sy? Mendoni se duke mos u vënë re do e keni punën më të sigurtë? Jo, ky mendim është i gabuar. Strategjia më e mirë në ditët tona është të qartësoheni dhe kuptoni sesi ta rrisni vizibilitetin tuaj në punë – në mënyra positive sigurisht. Kompanitë nuk i largojnë apo nënvlerësojnë punonjësit që punojnë dhe kanë dëshirë që puna të ecë mbarë. Por, stafi drejtues i kompanive duhet të dijë kush jeni ju dhe çfarë bëni ju. Pikat e mëposhtme do ju ndihmojnë të beheni më vizibël në punë dhe puna juaj të vlerësohet dhe ndihet. •    Kërkoni detyra dhe punë shtesë sfiduese. •    Gjeni dhe ndani mënyra për ta bërë punën rutinë sa më interesante. •    Vazhdimisht përmirësoni punën tuaj dhe ndajeni me menaxherët tuaj. •    Ofrohuni të ndihmoni kolegët që janë të super ngarkuar apo që nuk arrijnë ta mbarojnë punën në kohë. •    Gëzojini dhe festojini sukseset tuaja me kolegët tuaj dhe ftoni dhe shefin tuaj. •   Mbajeni menaxherin tuaj të informuar mbi progresin e punëve dhe kërkoni ndihmën e tij nëse ju nevojitet. Është shumë më mirë sesa të dështoni në një detyrë apo të mos arrini një afat të caktuar kohor në përmbushjen e detyrës.