Oscar Wilde ka thënë: “disa njerëz sjellin gëzim kudo që shkojnë, ndërsa disa të tjerë sjellin gëzim sapo ikin”.

Fatkeqësisht, mirësjellja nuk shpërblehet gjithmonë. Siç thotë Jeffrey Pfeffer në librin e tij mbi fuqinë, ngrohtësia dhe mirësia shpesh interpretohen si shenja dobësie, sidomos nëse nuk i keni shfaqur ende kompetencat tuaja.

E megjithatë, në planin afatgjatë, reputacioni ynë varet më së shumti nga mënyra se si trajtojmë të tjerët, veçanërisht kur nuk kemi ndonjë nevojë për t’u treguar domosdoshmërisht të sjellshëm. Qytetaria organizative është një përbërës kyç i performancës suaj në punë dhe të qenit i aftë në krijimin e marrëdhënieve me të tjerët është një faktor shumë i rëndësishëm për vlerësimin që do të merrni nga shefi juaj.

Pavarësisht stilit dhe personalitetit tuaj, ekziston gjithmonë mundësia për të përmirësuar sjelljen tuaj në punë. Ja disa rekomandime të thjeshta, të cilat sugjerohen nga shkenca:

• Dëgjoni më shumë: Siç tregon një studim akademik i kohëve të fundit, sa më shumë që të dëgjoni, aq më shumë të tjerët ju besojnë dhe ju pëlqejnë.
• Përmirësoni të tjerët: Liderët më të mirë janë shpesh edhe trajnerë të shkëlqyer. E njëjta gjë vlen edhe për kolegët dhe punonjësit.
• Shmangni vlerësimet sipërfaqësore ose të rreme: Edhe pse vlerësimet mund të jenë shumë efektive, ato duhet të perceptohen si të vërteta. Me fjalë të tjera, pavarësisht nëse po i thoni gjërat me sinqeritet apo jo, ju duhet të konsideroheni si “autentikë” nga të tjerët, ose përndryshe këto vlerësime nuk do të japin rezultatet e duhura.
• Shmangni debatet e panevojshme: Kjo mund të jetë lehtësisht e kuptueshme, por debatet janë një nga burimet kryesore të konflikteve në vendin e punës dhe faktori kryesor që dëmton efektivitetin e ekipit dhe bashkëpunimin në grup. Në përgjithësi, njerëzit i bën të ndihen më mirë fakti nëse kanë të drejtë, sesa po të tregohen të sjellshëm, por këto dy gjëra nuk ka arsye pse të mos përputhen me njëra-tjetrën.
• Jini më tolerant: Megjithëse ndjeshmëria, aftësia për t’i parë gjërat nga këndvështrimi i njerëzve të tjerë dhe për t’u kujdesur për ta, shpesh lidhet me dashamirësinë në vendin e punës, ajo sigurisht që nuk mjafton.

Burimi: Fast Company / Monitor