Keni menduar për pasjen e një uniforme në punë? Të veshësh të njëjtën veshje çdo ditë, ndoshta nuk është për çdokënd. Por, një garderobë e mirëplanifikuar ka shumë avantazhe, si në zyrë, ashtu edhe jashtë saj. Ja 3 prej tyre…

1. Është më pak e kushtueshme – Sipas disa statistikave të bëra në 2013, gati 5% e të gjitha shpenzimeve tona vjetore shkon për shpenzime veshjesh. Mos u ndikoni nga gracka të tipit “Zbritje”. Bëni një listë të veshjeve që ju duhen për të ndërtuar një garderobë efektive. Më pas, ndiqeni atë. Nëse fokusoheni në blerjen e veshjeve cilësore dhe vetëm të atyre që ju duhen, do të kurseni sasi të mëdha parash.

2. Më pak stres. - Në 1930, gratë zotëronin mesatarisht 9 veshje; sot, ky numër ka kaluar në 30, një për çdo ditë të muajit. Kuptohet, kur ke kaq shumë mundësi zgjedhjeje, përzgjedhja e veshjes së duhur herët në mëngjes kthehet shpeshherë në një stres. Zgjidheni këtë duke mbajtur vetëm pak veshje të mira të cilat mund t’i stiloni dhe kombinoni lehtësisht dhe do të vëreni anët pozitive të saj.

3. Gjithmonë do të dukeni në formë. - Mbajtja e një garderobë të rregullt, që i përshtatet stilit tuaj garanton qënien gjithmonë në formë.