Stresi në punë mund të përkufizohet si “dëmtuesi fizik dhe emocional që shfaqet kur kërkesat e punës nuk përputhen me aftësitë, burimet, apo nevojat e punonjësve”.

Shkaktarët e stresit në ambjentin e punës

Ngarkesa e madhe e punës: ju keni orë të gjata pune dhe pushime të pakta për tu qetësuar. Roli juaj në punë nuk është i përcaktuar qartë: ju keni më shumë ose më pak përgjegjësi seç duhet.

Ju nuk keni mundësi për tu ngritur në detyrë apo zhvilluar.

Ambjenti juaj i punës është i zhurmshëm, i ndotur apo i ekspozuar ndaj rreziqeve etj.

Si ta eleminojmë stresin?

Shmangni nikotinën, alkolin dhe kafeinën pasi ata janë stimulantë dhe s’mund t’ju qetësojnë. Nëse jeni i stresuar, pini ujë vazhdimisht në mënyrë që ta mbani veten të hidratuar. Flini mjaftueshëm. Gjumi është thelbësor që trupi dhe truri të funksionojnë siç duhet. Mësoni të pranoni atë çka nuk e ndryshoni dot. Një mendimtar i famshëm thotë se: për të ruajtur qetësinë duhet “ të pranosh gjërat që nuk i ndryshon dot, të kesh kurajon për t’i ndryshuar ato që mundesh, dhe të kesh zgjuarsinë për të dalluar diferencën”. Kjo filozofi do t’ju ndihmojë për të shmangur mërzinë, cinizmin dhe zemërimin. Mësoni të thuash JO. Aty ku “JO” është përgjigje e përshtatshme, thuajeni pa u ndjerë në faj. Menaxhoni kohën tuaj. Mos merrni shumë punë përsipër në një kohë të caktuar dhe kujtoni se pikërisht problemet dhe përgjegjësitë e përditëshme janë ato që krijojnë stresin në jetën tuaj, ndaj trajtojini ato sipas një sistemi që funksionon për ju.