Punëdhënësit kanë detyrimin për të financuar kujdesin shëndetësor parandalues për punonjësit e tyre. Pyesni punëdhënësin tuaj se çfarë përmban kujdesi shëndetësor në vendin tuaj të punës. Gjithashtu, punëdhënësi mund të organizojë për punonjësit shërbime mjekësore për kurimin e sëmundjeve.

Në shërbimin shëndetësor në punë është e mundur të merrni shërbimet e infermieres, mjekut të punës dhe psikologut të punës. Shpesh në shërbimin shëndetësor në punë ka edhe fizioterapi. Zakonisht, shërbimet e mjekut specialist nuk përfshihen në shërbimin shëndetësor në punë. E drejta për shërbimet shëndetësore në punë nuk i takon familjes së punonjësit. Kujdesin shëndetësor në punë mund ta siguroni nëpërmjet qendrës shëndetësore lokale ose, për shembull, një qendre shëndetësore private.