“Suksesi është shuma e përpjekjeve të vogla të përsërituara ditë pas dite” E dime: Këto javë pune mund të kenë qenë të vështira për shkak të covid19, por ne duam t’ju motivojmë disi. Në fakt, pavarësisht nëse jeni në punë apo shtëpi, çdo ditë e javës duket sikur paraqet një sfidë të ndryshme për të qenë të fokusuar dhe produktiv. Të hënave presim një shtysë për të filluar javën. Insipirimi i së martës nuk është gjithmonë aq i lartë sa duhet. Të mërkurën nevojitet ndihmë për të kapërcyer përditshmërinë. Motivimi i së enjtes dhe të premtes duket sikur është i papërfillshëm. Dhe gjatë fundjavës ju duhet të mendoni të reflektoni dhe të përpiqeni të “rigjallëroheni” për të filluar javën. E në fakt, pa marrë parasysh se çfarë dite është apo cila është motoja juaj e punës, ne jemi këtu për t’ju ndihmuar me disa thënie motivuese që do t’ju frymëzojnë dhe do t’ju japin shtysën që ju nevojitet për të patur sukses në punë. Ja disa thënie motivuese nga disa gjenerata të mendimtarëve brilantë, që do t’ju motivojnë atëherë kur keni më shumë nevojë. Presim që pjesa tjetër e javës t’ju falenderojë për përpjekjen që bëni sot.  

1. “Duhet të ngriheni çdo mëngjes me vendosmëri, nëse doni të shkoni në shtrat me kënaqësi” - George Lorimer

 

2. “Shkoni aq larg sa mund të shihni: kur të arrini atje, do të mund të shihni dhe më tej” - Thomas Carlyle

 

3. “Talenti juaj përcakton se çfarë mund të bëni. Motivimi juaj përcakton se sa doni të bëni. Qëndrimi juaj përcakton se sa mirë ju e bëni ate” - Lou Holtz

 

4. “Ai që thotë kjo është e pamundur, duhet të dalë nga rruga e atyre që e bëjnë të mundur atë” - Tricia Cunningham

 

5. “E mësova këtë gjë të paktën, nga eksperimenti im: Se nëse dikush përparon me vetëbesim në drejtim të ëndrrave të tij dhe përpiqet të jetojë jetën që ka imagjinuar, do të ketë një sukses të papritur në orët në vijim” - Henry David Thoreau

  dupune.com Miku juaj për punë dhe karrierë Përshtatur nga Emi OGA / www.themuse.com