Përshkrimi

ORION sh.p.k operon në sektorin e ndërtimit prej 25 vitesh. Vizioni ynë është ai i një kompanie të suksesshme, që operon me dinjitet dhe ndershmëri për realizimin e veprave të reja madhore në panoramën urbanistike shqiptare, duke sjellë në treg një produkt unik. Behu pjesë e stafit ORION, për të çuar përpara sëbashku projektet inovatore që kemi ndërmarrë! Orion kërkon të punësojë : Menaxher Projekti (Park Avenue II)

Përshkrim i përgjithshëm: Menaxheri i Projektit do të duhet të marrë përsipër përgjegjësitë për menaxhimin e projektit, në të gjitha aspektet teknike, financiare, administrative sipas afateve e procedurave të kompanisë.

Detyrat

• Planifikon, realizon dhe finalizon projektin sipas afateve kohore dhe buxhetit të përcaktuar (sipas Projekt-Preventivit).
• Garanton marrjen dhe ekzistencën e informacionit teknik-financiar nga kompania dhe jashtë saj në funksion të zbatimit të projektit.
• Interpreton dhe realizon në plan pune objektivat e projektit duke mbikqyrur zbatimin e tij sipas buxhetit dhe standardeve të cilësisë.
• Harton dhe zbaton strategji efikase për reduktimin e kostove.
• Zhvillon fushata periodike prokurimi në funksion të projektit dhe nevojave të kompanisë, për produktet që kërkohen për zbatimin e tij dhe sipas kontratës të nënshkruar.
• Ndjek dhe finalizon kontratën me furnitorët e rinj ose ekzistues, pas fushatës së prokurimit.
• Garanton ndjekjen me përgjegjësi të kostove dhe komunikon me furnitorët për të bërëë të mundur rakordimin me grupet e punës dhe materialeve.
• Përfaqëson kompanine me pale të treta për çeshtjet e lidhura me projektin.
• Mbikqyr dhe ndjek në mënyre të vazhdueshme stafin në varësi, duke mbajtur përgjegjësi për performancën e tyre.
• Analizon dhe interpreton në mënyrë të vazhdueshme ecurinë e projektit dhe e paraqet informacionin në raporte tek Administratori dhe Investitori i kompanisë.

Kualifikimet

• Të ketë përfunduar Fakultetin Ekonomik, Arkitekture, Inxhinieri Ndërtimi, etj.
• Të ketë të paktën 3 vjet eksperience pune.
• Preferohen kandidatë me eksperiencë në sektorin e ndërtimit.
• Të ketë njohuri të mira të gjuhës Angleze.
• Të ketë aftesi shumë të mira menaxheriale, komunikuese, organizuese dhe planifikuese.
• Të zoterojë në nivel shumë të mire ''Paketën Office''.

Shënime

Dërgoni CV-në tuaj me foto në adresën e emailit: [email protected]